Shillong, Jun 22: Meghalaya Grassroots Music Project (MGMP)-ni Season 3 ba gittamgipa bakko Chief Minister’s Grassroots Music Program (CMGMP) ine mingskaenba, Sonibar attamo World Music Day-ko maniani bak gita Meghalaya sorkari, Shillong songjinmani Lariti Main Auditorium-o a·bachengate on·angaha.
Ia program-ko ong·atanio, Meghalaya a·dokni Chief Minister Conrad K Sangma, mongsonggipa sokgipa ong·e bak ra·angaha aro unbaksana a·dokni Tourism Minister Paul Lyngdoh, git ring·gipa dolrang aro gipinrangba bak ra·angtokaha.
Ia program-ko ong·atanio a·dokni Chief Minister, jinmana aganprakengon, an·tangni dambemiting salrango doka dam·anio mingsinganiko man·pana tikkelani gimin gisik ra·atpilenba, ua somoirango dokgipa dam·gipa dolrang, doka dam·ani bosturangna namen dilachim aro an·tangtangsa ring·salrarangko ong·atna nangachim ine parakataha.
Ua somoirango ua an·tangan iandakgipa neng·nikanirangko chagrongna nangahani giminsa da·alo uni sorkari, doka dam·ani aro git ring·anio gisik nanggipa chadamberang iandakgipa neng·nikanirangko chagrongna nangjachina cholrangko on·skaenga ineba ua aganaha.
MGMP-ko a·bachengatani skanggipa bilsio maikai gong crore 3.5 tangkarangchi aro sak 2500 git ring·gipa aro dokgipa dam·giparangchi da·o gong crore 69 tangkarangchi sak 5400 git ring·gipa aro dokgipa dam·giparangna a·doko chang 38,000 program-rangko ong·atna man·aha, uarangni giminba Chief Minister talate on·angaha.
MGMP-ko da·o CMGMP ine mingsreskaaha ine parakatengon, ian da·o short term ba dikdiksana ra·gatgipa project-san ong·jawaha indiba ian pangkamgipa aro bilsianti ong·atgipa sorkari program-sa ong·gnok ine Chief Minister aganaha.
Chief Minister-ni aganani gitade, ia CMGMP-ko da·o a·dokni mingsinggipa biaprang jekai, Shillong-ni Ward’s Lake aro Tura-ni mongsonggipa biaprango ong·atanggnok aro ia program-ni bak gita doka dam·ani aro git ring·anirangko skie on·anirangba donggnok.
Jatni daka rikanirangko am·sandichina aro iarangni gimin gital chasongni bewalo gitrangko tarichina gita ua a·dokni git ring·giparangko aro dokgipa dam·gipa chadamberangkoba didiangaha.
Ia program-ko ong·atanio a·dokni Chief Minister, CMGMP Rock & Tourism Festival Booklet aro Council Technology Booklet-koba oprake on·angjolaha.
Ia tom·anio a·dokni Tourism Minister Paul Lyngdoh-ba jinmana aganprakengon, doka dam·ani aro git ring·aniara Meghalaya a·doko ong·telaigipa bak gitan ong·a ine toe aganangaha.
CMGMP-ko a·dokni diltugipa songrangoba ong·atengani gimin ian songni nokni manderangnaba doka dam·ani aro git ring·anirangko mesokna chol ong·enga ineba ua aganaha.
Ia attamni bako dingtangmancha MGMP Awards Ceremony-koba ong·atangjolaha aro ia award-rangko chegipa dolrang aro manderang, jekai Bending Waves, Magnificent Obsession, Strange Origin, Neil Umwi, Vanessa Suchiang, Snam Rangsa aro gipinrangna mande ra·pilskaanikoba dakangaha.
Ia MGMP Awards Ceremony-o gimik gong 10,00,000 tangkarangko dingtang dingtang chegipa dolrang aro manderangna suale on·angaha.
Na·simang ia video-koba nina man·gen:
Na·simang iakoba poraina man·gen: Iran-ni nuclear tarigipa biaprangko US nisie gala: Prez Trump
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
Leave feedback about this